Sjá hér reglur um Esju mótaröð - miðvikudagsmótaröð GSS

Staðarreglur 2026

ATHUGIÐ! Í mótinu er notuð rafræn skráning með undirritun og því þarf að hafa hlaðinn síma meðferðis.

Mótsstjórn: mótanefnd GSS.

Dómari: Aldís - 611-3499

Mótaröðin samanstendur af 10 stökum mótum sem haldin eru á tímabilinu 1. júní til 1. september. Mótin skulu að jafnaði vera á miðvikudögum. Ef ekki tekst að halda 10 mót á tímabilinu s.s. vegna veðurs eða samkomutakmarkana má lengja tímabil um eina viku eða fækka mótum í röðinni og þ.a.l. þeim mótum sem telja til stiga.

Stök mót:

Í hverju stöku móti er keppt í þremur flokkum: punktakeppni með forgjöf konur, punktakeppni með forgjöf karla, opinn flokkur punktakeppni án forgjafar. Hámarksforgjöf er 36 í karla og kvenna flokki. Ef færri en 3 keppendur eru af öðru hvoru kyni eru karla og kvennaflokkar sameinaðir.

Veitt eru verðlaun frá Esju Gæðafæði fyrir sigurvegara í öllum flokkum í hverju móti raðarinnar. Ef tveir eða fleiri keppendur eru jafnir í efsta sæti í punktakeppni með forgjöf gildir röð keppenda samkvæmt niðurstöðu reikniforrits GSÍ sem notað er við úrvinnslu punktamóta með forgjöf. Aðeins er hægt að vinna í einum flokk í hverju móti.

Veitt eru verðlaun fyrir besta árangur samanlagt í sömu flokkum og á stökum mótum raðarinnar með forgjöf. Talin eru 6 bestu mót keppanda. Veitt eru ein verðlaun fyrir bestan samanlagðan árangur í punktaleik án forgjafar eftir röðina óháð kyni.

Besta hola: HÖGGLEIKUR MEÐ FORGJÖF. Eftir hvert mót getur keppandi valið að skrá 1, 2, 3 eða 4 holur sem „besta hola“. Keppandi þarf að taka þátt í minnst í fimm mótum til að ná að skrá skor á 18 holur. Keppandi merkir á kortið sem staðsett er í sal klúbbhússins.

GSS félagar kr. 2000 kr. fyrir hvert stakt mót. Afsláttarkort kr. 17.500 (tíu mót).

Gestir greiða vallargjald samkvæmt gjaldskrá GSS til viðbótar við mótsgjald.

Verðlaun Esju mótaraðar 2025

Stök mót: 30x gjafabréf (grillveisla fyrir fjóra) að verðmæti kr. 12.200 í hverjum flokki.
Esju mótaraðar meistari með forgjöf karla og kvenna fær gjafabréf (grillveisla fyrir 8-10 manns) að verðmæti kr. 29.000.
Esju mótaraðar meistari mótaraðarinnar án forgjafar óháð kyni fær gjafabréf (grillveisla fyrir 8-10 manns) að verðmæti kr. 29.000.
Esju mótaraðar Meistari fyrir Bestu holu fær gjafabréf (grillveisla fyrir 8-10 manns) að verðmæti kr. 29.000.

Esju Mótaröðin #2