Brautarholt

Um völlinn

Brautarholtsvöllur er 12 holu golfvöllur staðsettur á Kjalarnesi, um 30 mínútna akstursfjarlægð frá miðbæ Reykjavíkur. Völlurinn liggur í töfrandi náttúru við sjóinn með útsýni yfir borgina og Snæfellsjökul í fjarska. Hann hefur hlotið alþjóðlega viðurkenningu og er í 62. sæti yfir bestu golfvelli heims samkvæmt vefsíðunni Golfscape og í 4. sæti á lista Golf World Continental Europe’s X-factor. Brautarholt býður upp á einstaka upplifun, þar sem hægt er að spila golf allan sólarhringinn yfir sumarmánuðina júní og júlí.