Kiðjabergsvöllur

Um völlinn

Kiðjabergsvöllur er 18 holu golfvöllur staðsettur í Grímsnesi, um klukkustundar akstur frá Reykjavík. Völlurinn er þekktur fyrir að vera sérlega skemmtilegur og liggur í friðsæld íslenskrar náttúru með ægifögru landslagi. Golfklúbbur Kiðjabergs, stofnaður árið 1993, sér um rekstur vallarins og hefur völlurinn hlotið viðurkenningu sem einn af glæsilegustu golfvöllum landsins. Aðstaðan er til fyrirmyndar með flottu klúbbhúsi, búningsklefum og veitingasölu að nafni Kaffi Kið, þar sem gestir geta notið veitinga eftir golfring.