Eins og fram kemur í mótaskrá klúbbsins er 9 holu innanfélagsmót á Nesvellinum á laugardaginn. Mótin verða samtals fjögur (sjá mótaskrá) nema eitthvað komi uppá sem gefur tilefni til að aflýsa þurfi móti. Uppsetning mótanna er einföld og í takti við kvennamótin sem haldin eru yfir sumarið, þ.e. þeir taka þátt sem vilja taka þátt. Þú bara skráir þig á rástíma eins og venjulega og fylgir svo reglum mótsins sem eru hér fyrir neðan. Öllum er að sjálfsögðu frjálst að skrá sig á rástíma og taka ekki þátt í mótinu kjósi fólk það frekar. Reglur mótsins eru eftirfarandi:

Heimilt er að byrja að spila :
- 9 holur á milli kl. 07:00 og 20:00.
Skrá verður þátttöku og greiða þátttökugjald ÁÐUR en leikur hefst. Eina undantekningin er ef leikur hefst áður en skálinn opnar, þá má skrá sig eftir hring.
Mótin eru eingöngu innanfélagsmót, þ.m.t. fjaraðild.
Skráning í mót er á þátttökublaði í kassanum í veitingasölu og þátttökugjald 1.000 kr. er greitt í umslag í kassanum með seðlum.
Ekki er heimilt að skila meira en einum hring þannig að ef leiknar eru 18 holur skulu fyrri níu holurnar gilda.
Skorkorti skal skilað, skilmerkilega útfylltu með nafni, aðildarnúmeri og undirritun bæði leikmanns og ritara.
Veitt eru verðlaun fyrir fyrstu fimm sætin í punktakeppni í hverju móti.
Úrslit mótanna munu liggja fyrir um hádegisbil á næsta mánudegi eftir mótið.

Að öðru leyti gilda almennir keppnisskilmálar Nesklúbbsins.

Mótin eru tilvalinn vettvangur fyrir þá sem hafa aldrei tekið þátt í móti en að sjálfsögðu eru allir velkomnir að taka þátt. Hámarksforgjöf í mótinu er gefin: 36. Karlar mega leika á teigum 47 og konur mega leika á teigum 53 en það verður að ákveðast fyrirfram og skal skýrt tekið fram á skorkortinu. Að öðrum kosti verður

9 holu mót - Haustmót NK (1 af 4)