Reglugerð: Holukeppni GF / Bikarkeppni

Helgina 2. - 4. júlí 2021

Mótsgjald er 3.000 kr. fyrir þá keppendur sem komast í gegnum niðurskurðinn, 16 kylfingar. Ekki er mótsgjald í keppninni á föstudeginum.

Reglugerð: Holukeppni GF / Bikarkeppnin

Leikinn um helgi í júlí mánuði ár hvert, föstudag, laugardag og sunnudag.

Á föstudegi er keppt um það hvaða 16 kylfingar komast áfram í gengum niðurskurð sem síðan leika holukeppni laugardag og sunnudag. Á föstudegi eru leiknar eru 9 holur, 1. til 9. hola.

Í holukeppninni eru leiknar 9 holur í hverri umferð, nema í úrslitaviðureigninni þar sem leiknar eru 18 holur.

Umferðir:

Föstudagur – 9 holur (1.-9. hola). Rástímar frá kl. 16.00.
Laugardagur – 9 holur fyrir hádegi (1. – 9. hola – 1. umferð) og 9 holur eftir hádegi (10. – 18. hola – 2. umferð). Rástímar frá kl. 9.00 – 9.40.
Sunnudagur – 9 holur fyrir hádegi (1. – 9. hola – 3. umferð) og úrslitaviðureign 18 holur eftir hádegi (1.-18. hola). Rástímar frá kl. 10.00 – 10.20 og úrslitaviðureign kl. 13.30.

Fyrirkomulag.

Á föstudeginum er leikin höggleikur með og án forgjafar með hámarksforgjöf sem er 36, karlar og konur. Að lokinni 9 holu keppninni á föstudeginum eru það 16 efstu sem komast áfram í holukeppnina, 4 bestu kylfingar án forgjafar og 12 bestu kylfingar með forgjöf.

Í holukeppninni er forgjöf reiknuð þannig út að fundinn er ¾ af forgjafarmismun keppenda. Hámarksforgjöf til útreiknings er 36.

Dæmi:

Jón er með 20 í leikforgjöf og Gunna 10. Mismunurinn er 10 högg. Reiknað er með ¾ af mismuninum sem gefur 7,5 og er námundað við 8 högg. Jón fær þannig 8 högg umfram Gunnu í holukeppninni þeirra á milli og þá 4 högg miðað við 9 holur.

Nöfn þeirra 16 kylfinga sem komust í gegnum niðurskuðr eru dregin að handahófi í 1. umferð holukeppninnar.

Að lokinni 1. umferð eru dregið um nöfn þeirra 8 sem mætast í 2. umferð.

Að lokinni 2. umferð er dregið um nöfn þeirra 4 sem mætast í 3. umferð (undanúrslit).

Að loknum undanúrslitum leika 2 kylfingar í úrslitum.

Leikinn skal bráðabani í öllum umferðum, nema úrslitaviðureigninni, þar skal leikið 3 holu umspil. Sigurvegari keppninnar telst vera Bikarmeistari GF.

Mótanefnd.

Bikarkeppni GF