Þátttökurétt í Floridana mótaröðina hafa allir félagsmenn GKG sem eru 16 ára eða yngri (fæddir 2004 eða yngri) og hafa forgjöf á bilinu 36-54. Keppt er í flokkum drengja og stúlkna 10 ára og yngri, 11-12 ára og og 13-16 ára.

Mótaröðin er punktakeppni sem fer fram á Mýrinni hjá GKG og eru spilaðar 9 holur í hverju móti. Allir keppendur leika á fremstu teigunum, þ.e. gullteigunum, sem hafa vallarmat og því hægt að leika á þeim til forgjafar. Skylda er að taka upp eftir 9 högg og skrá þá 10 á skorkortið.

Mótin verða 5 talsins í sumar og taka þarf þátt í 3 mótum til að telja í heildarkeppninni. Veitt verða verðlaun fyrir bestan árangur í lok sumars þar sem allir fá líka þátttökuverðlaun. Teiggjöf í hverju móti verður Floridana safi og 1 vatnabolti.

Þátttaka er ókeypis en til þess að geta tekið þátt þarf að skrá sig í mótið í mótaskrá Golfbox. Hægt er að skrá sig þangað til kl. 12 á hádegi á mótsdag, að því gefnu að séu lausir rástímar í mótið. Ræst er út á milli 13:00 og 16:00. Höfuðáhersla er á að krakkarnir fái jákvæða reynslu af því að spila saman.

Gerð er krafa um að foreldri og/eða reyndari kylfingur fylgi hverjum keppanda á þessum mótum, bæði til þess að tryggja að allt fari rétt fram og eins til þess að þau læri sem mest af þessari þátttöku.

Floridana mótaröðin (2)