ATH. fullt er í mótið.

Ráslisti fyrir föstudag birtur á þriðjudaginn 18.ágúst 12:00.

Keppnisskilmálar:

Gert er ráð fyrir að karlar leiki af gulum teigum og konur af rauðum teigum. Ef óskir koma fram um að leika af öðrum teigum skal viðkomandi tilkynna ræsi það. Ræsir mun skrá það á skorkort til staðfestingar. Skilyrt er að viðkomandi leiki af sömu teigum alla keppnina.

Aðeins þeir sem eru með forgjöf samkvæmt forgjafarkerfi GSÍ geta unnið til verðlauna

Allir geta unnuð til nándarverðlauna og lengsta teighögg.

Forgjöf: Hámarksforgjöf er 24 hjá körlum og 28 hjá konum.

Leiknar verða 36 holur á tveimur dögum.

Leikfyrirkomulag: punktakeppni með forgjöf.

Fyrri daginn er leikin: Fjórleikur, Betri bolti

„Tveir samherjar keppa saman sem lið og hvor leikmaður leikur sínum bolta“.

„Skor liðsins á holu er lægra skor samherjanna á holunni.“

„Skrá skal á skorkort brúttó skor beggja leikmanna".

Seinni daginn er leikið „Greensome“ með punktakeppnis fyrirkomulagi og verður ræst út eftir skori fyrri dags. Hæsta skor fyrst og það lægsta síðast. .

Forgjöf: forgjöf beggja keppenda er lögð saman og deilt í með tveimur.

Samherjar slá báðir upphafshögg og velja hvaða bolti er betri og slá síðan til skiptis þar til í holu er komið. Annað högg slær sá sem ekki á upphafshöggið sem var valið.

Ákvæði um röðun í verðlaunasæti:

Ef keppendur (Hjón/pör) eru jafnir skal fara þannig að:

1) skal reikna síðustu níu holurnar með helmings forgjöf, ef keppendur eru enn jafnir

2) skal reikna síðustu sex holurnar með þriðjungi forgjafar, ef keppendur eru enn jafnir

3) skal reikna síðustu þrjár holurnar með einum sjötta forgjafar og ef það dugar ekki

4) skal reikna síðustu holuna með einum átjánda forgjafar.

5) Ef úrslit nást ekki eins og áður greinir, skal hlutkesti ráða röðun.

Að öðru leiti gilda „MÓTA OG KEPPENDAREGLUR GSÍ“ frá 14. maí 2019.

Flaggstöng (Covid-19 frávik): Óheimilt er að snerta flaggstöngina eða fjarlægja hana úr holunni. Ef flaggstöngin er snert fyrir slysni er það vítalaust.

Bolti í holu (Covid-19 frávik): Við þær aðstæður þar sem holan er fóðruð að innan, t.d. með svamphólk, og boltinn er í holunni, en ekki allur undir yfirborði flatarinnar þá er hann í holu. Meiri líkur en minni eru að hann hvíli upp við flaggstöngina og þá gildir regla 13.2c.
Bætt lega í glompu, færa um lengd kylfugrips (Covid-19 frávik): Þar sem hrífur hafa verið fjarlægðar úr glompu og ástand hennar er mjög ójafnt þá má leikmaður taka vítalausa lausn einu sinni áður en höggið er slegið, með því að leggja upphaflega boltann innan lausnarsvæðis og leika honum þaðan. o Viðmiðunarstaður: Staðurinn þar sem boltinn liggur (sjá reglu 14.1) o Stærð lausnarsvæðis, mæld frá viðmiðunarstað: lengd kylfugrips (ekki pútter) frá viðmiðunarstað, en með eftirfarandi takmörkunum: o Takmörk á staðsetningu lausnarsvæðis ▪ Það má ekki vera nær holunni en viðmiðunarstaðurinn, og ▪ Það verður að vera í glompunni. Þegar farið er eftir þessari staðarreglu verður leikmaðurinn að velja stað til að leggja boltann og fara eftir aðferðum við að leggja bolta aftur samkvæmt reglu 14.2b(2) og 14.2e. Víti fyrir að leika bolta á röngum stað í bága við staðarregluna: Almennt víti samkvæmt reglu 14.7a.

Fosshótel Stykkishólmur Hjóna og para mót