Boðið er upp á 10 mót yfir sumarið og telja 5 bestu hringir hvers kylfings til úrslita. Aðeins félagsmenn í GHH eru gjaldgengir í mótaröðina. Ef tveir eða fleiri standa jafnir í lok móts er varpað hlutkesti. Skilyrði er að vera með skráða forgjöf til að fá að taka þátt í mótinu. Mótanefnd áskilur sér rétt til breytinga á formi, framkvæmd og tímasetningu mótanna ef nauðsyn krefur, auk þess sem áskilinn er réttur til að þétta rástíma á hverju móti.

ATHUGIÐ að skráningarfrestur er til kl. 20:00 kvöldið fyrir mót og við biðjum kylfinga að virða það og skrá sig tímanlega!

Keppt er í eftirfarandi flokkum

1. Unglingaflokkur, unglingar fæddir 2009 til 2012 eru gjaldgengir.

2. A flokkur – hámarksforgjöf 15

3. B flokkur – forgjafarbil 15-30

4. C flokkur - yfir 30 í forgjöf

Eftir að kylfingur hefur tekið þátt í fyrsta mótinu er ekki hægt að færa sig á milli flokka.

Mótaröðin er leikin á miðvikudögum en síðustu tvö mótin í mótaröðinni verða leikin á laugardegi og lokahóf GHH verður þá um kvöldið.

Þátttökugjald er 1500 kr. á mót en ekkert gjald er tekið fyrir þátttöku unglinga í mótaröðinni.

Verðlaunað er fyrir þrjú eftstu sætin í punktakeppni í hverjum flokki, en auk þess eru veitt 1. verðlaun fyrir höggleik karla, kvenna og unglinga (5 bestu hringirnir)

Í mótaröðinni er jafnframt keppt um draumahringinn bæði í höggleik og punktakeppni (besta skor á hverri holu hjá kylfingi tekið saman í einn draumahring), flesta fugla á mótaröðinni o.fl.

Glacier Journey mótaröð 5