Keppnisskilmálar - Golf 14 Jaðarsvöllur

Golfklúbbur Akureyrar 18. - 19. júlí

Leikfyrirkomulag

Leikinn er höggleikur án forgjafar. 14 ára og yngri leika 36 holur. Keppt skal samkvæmt gildandi reglugerð um stigamót unglinga og móta- og keppendareglum GSÍ.

Áætlaðir rástímar

Laugardagur 11:30
Sunnudagur 7:30

Rástímar og ráshópar

Rástímar verða birtir á golf.is á þriðjudag fyrir mót. Ræst verður út af 1. teig. Á fyrsta keppnisdegi er keppendum raðað af handahófi á rástíma en síðan verður raðað út eftir skori.

Þátttökuréttur

Hámarksforgjöf í flokki 14 ára og yngri kk er 30

Hámarksforgjöf í flokki 14 ára og yngri kvk er 36

Ef fjöldi skráðra fer yfir hámark í hverjum flokki miðast forgjöf kylfinga kl: 8:00 morguninn eftir að skráningarfresti lýkur hverjir fá þátttökurétt.

Ef ekki næst hámarksfjöldi í einhverjum flokki verður mótstjórn heimilt að fjölga í öðrum.

Fjöldi þátttakenda

14 ára og yngri - Mest 72 keppendur

Skráning og þátttökugjald

Þátttakendur skulu skrá sig í mótið á www.golf.is fyrir kl. 23:59 mánudaginn 1. júní. Engar undantekningar á skráningu í mótið verða leyfðar eftir að skráningu lýkur, þó svo laus sæti séu í mótið. Allar breytingar á skráningu í mótið ber að senda í tölvupósti á ulfar@gkg.is. Athugið að kylfingur verður ekki afskráður úr mótinu eftir að rástímar hafa verið birtir.

14 ára og yngri - kr. 6.500

Æfingahringur

Einn æfingahringur er innifalinn í mótsgjaldi. Keppnisvöllurinn verður opinn til æfinga fyrir skráða keppendur í síðasta lagi einum degi fyrir mót. Vinsamlegast hafið samband við klúbbinn til að bóka rástíma. En athugið að greiða verður mótsgjaldið áður en æfingahringur er leikinn. Athugið almennar reglur um æfingahring.

Teigar

14 ára og yngri drengir - Teigar 52

14 ára og yngri stelpur - Teigar 45

Kylfuberar

Kylfuberar eru leyfðir í flokki 14 ára og yngri.

Verðlaun

Veitt verða verðlaun fyrir 1. - 3. sæti í öllum flokkum. Ef keppendur eru jafnir í fyrsta sæti verður leikinn bráðabani en að öðru gilda móta- og keppendareglur GSÍ. Ef keppendur eru jafnir í öðrum sætum skiptast stig og verðlaun jafnt milli þeirra keppenda..

Verðlaunaafhending

Verðlaunaafhending verður haldin að loknum leik hvers aldursflokks fyrir sig á lokadegi mótsins.

Mótsstjórn

Steindór Kr. Ragnarsson, Jón Heiðar Sigurðsson, Jón Thorarensen

Keppt skal samkvæmt eftirfarandi reglum:

Reglugerð um stigamót unglinga
Móta- og keppendareglur GSÍ
Almennir keppnisskilmálar og staðarreglur
Almennar staðarreglur um leikhraða
Almennar staðarreglur um hegðun
Almennar reglur - leikmenn, kylfuberar og æfingahringir
Staðarregla um kylfubera á unglingamótum GSÍ 2026

Viðbætur við staðarreglur:

1. Lausn frá bláspreyjuðum svæðum á almenna svæðinu er aðeins leyfð ef bolti leikmanns liggur innan svæðisins. Ekki er veitt lausn vegna stöðu eða sveiflusviðs.

2. Bolti á hreyfingu hittir hlut (slátturróbóta) af slysni
a) Leika þarf boltanum þar sem hann liggur nema ef boltinn stöðvast á róbótanum, sbr. undantekningu 1 við reglu 11.1b - Bolti stöðvast á hlut á hreyfingu
b) Ef róbóti skemmir kyrrstæðan bolta í leik gildir regla 4.2.c. - Leikmaður má þá skipta um bolta ef boltinn er skorinn eða sprunginn
c) Hafi boltinn færst úr stað gildir regla 9.6 og leggja þarf boltann á upphaflegan stað
d) Ef boltinn brotnar við að lenda í róbóta eftir högg gildir regla 4.2.b - Höggið gildir ekki og leika verður öðrum bolta þaðan sem fyrra högg var slegið

3. Bætt lega: Vegna áhrifa frá frostlyftingum á brautum 6, 7, 9, og 12 má leikmaður taka vítalausa lausn einu sinni áður en högg er slegið með því að leggja upphaflega boltann eða annan bolta innan skorkortalengdar frá þeim stað þar sem hann stöðvaðist upphaflega á. Gildir þetta aðeins ef bolti leikmanns hefur stöðvast á svæði þar sem gras er slegið í brautarhæð eða neðar.

4. 18. Hola: Ef bolti leikmanns er í ófrágengnu svæði aftan við 18. flöt eða það er vitað eða leikmenn eru sammála um að bolti leikmanns sem hefur ekki fundist er í óeðlilegu ástandi vallar má leikmaður nota eftirfarandi kosti.
Leikmaður má taka lausn skv. reglu 16.1

Leikmaður má taka lausn með því að láta upphaflega boltann eða annan bolta falla innan þess fallreits sem næstur er, jafnvel þó sá fallreitur sé nær holu. Fallreitir eru spreyjaðir á jörðina með hvítu spreyji og auðkenndir með hvítum hæl með bláum topp. Að nota fallreit er skv. reglu 14.3

Golf 14 GA