Tveggja daga hjóna- og paramót í Kiðjabergi 7. og 8. ágúst.

Mótið er opið fyrir hjón og pör sem eru 20 ára og eldri. Á föstudeginum er leikinn fjórleikur (Betri bolti) og á laugardeginum 2ja manna Texas Scramble. Mótinu lýkur með lokahófi í golfskálanum á laugardagskvöldinu.

Leikfyrirkomulag er punktakeppni með forgjöf. Hámarksforgjöf er 24 hjá körlum og 28 hjá konum. Gert er ráð fyrir að karlar leiki af gulum teigum og konur af rauðum. Karlar 65 ára og eldri geta spilað af rauðum teig og skulu þá tilkynna það ræsi.

Í Texas Scramble er heildarforgjöf deilt með 2,5 þó ekki hærri en vallarforgjöf hjá forgjafarlægri kylfing liðs.

Seinni daginn verður ræst út eftir skori fyrri dags þannig að besta skor er ræst út síðast.

Mótsgjald er 49.000 kr fyrir parið. Innifalið í verðinu er glæsilegt tveggja daga mót, verðlaun fyrir efstu sætin, nándarverðlaun á öllum par 3 brautum, teiggjöf og kvöldverður (nautakjöt og bearnise) í lokahófinu.

Beiðnir um golfbíla skulu sendast á gkb@gkb.is og tilgreina hvort sé að ræða einn eða báða daga.

Mótsgjald er óafturkræft ef afskráning á sér stað 48klst fyrir fyrsta rástíma og þarf að vera sent með skriflegum hætti á gkb@gkb.is

Hjóna og parakeppni Golfsögu og Verdi Travel