Holukeppni GHH 2021
Undankeppni

Mótið byrjar á Undankeppni/Úrtökumóti fyrir hina eiginlegu holukeppni. Þeir 32, sem fá flesta punkta, komast áfram í sjálfa holukeppnina.

Skráning til kl 22:00 föstudaginn 28. maí. Hámarksforgjöf 28 hjá körlum og 36 hjá konum.

Undankeppni

Undankeppni: (Punktakeppni – 18 holur – Skilafrestur 6. júní)

Keppandi þarf að skrá sig í undankeppnina á golfbox. Keppandi ræður leiktíma og spilar 18 holur og skila skorkorti til mótanefndar með undirritun annars keppanda ekki seinna en 6.júni (má vera fyrr). Þeir 32 hæstu í undankeppninni fara áfram í 32 liða úrslit.

Athugið að keppendur bóka sjálfir rástíma fyrir sína leiki í gegnum rástímaskráningu á GolfBox.

Holukeppni

32 manna úrslit: 14. júní – 19. júní

16. manna úrslit: 5. júlí – 10. júí

8. manna úrslit: 2. ágúst – 16. ágúst

Undanúrslit: 27. ágúst – 29. ágúst

Úrslitaleikir: 1. september – 3. september.

Holukeppni með forgjöf

Holukeppni er keppnisfyrirkomulag í golfi þar sem leikmaður fær stig fyrir hverja holu sem lokið er á færri höggum en andstæðingurinn; þetta er annað en höggleikur, þar sem heildartala högga er talin í einni eða fleiri umferðum af leik á 18 holum. Í atvinnumennsku eru fáein þekkt mót leikin með þessu fyrirkomulagi, t.d. Ryder Cup keppnin.

Dæmi: Ef keppandi A er með 10 í vallarforgjöf, en keppandi B hefur 19 í vallarforgjöf, er mismunurinn nýttur þannig að keppandi B fær eitt högg í forgjöf á keppanda A á 9 erfiðustu holur vallarins, en keppandi A leikur holuna á ‚scratch‘ (0 í forgjöf).

- Hola nr. 3 er par 4 og merkt sem 2. erfiðasta hola vallarins: báðir keppendur ljúka leik á 5 höggum. Keppandi B telst hafa unnið holuna og fær vinning vegna hennar, þar sem hann hefði skv. forgjöf mátt leika hana á einu höggi meira en keppandi A.

- Hola nr. 10 er par 5 og merkt sem 7. erfiðasta hola vallarins: keppandi A lýkur leik á 6 höggum en keppandi B á 7 höggum. Þeir teljast jafnir á holunni, og hún „fellur“.

- Hola nr. 13 er par 3 og merkt sem 10. erfiðasta hola vallarins: keppandi A lýkur leik á 4 höggum og keppandi B á 5 höggum. Keppandi A hefur unnið holuna og fær vinning, þar sem engin forgjöf keppanda B var í gildi á holunni.

Kylfingar geta spilað holukeppni með nokkuð öðrum hætti en höggleik, þar sem skráning keppninnar er ólík. Heildarfjöldi högga í 18 holu leik skiptir þannig engu máli í holukeppni, en hvert högg á einstökum holum er afar mikilvægur hlekkur í að tryggja vinning á holunni. Þetta fyrirkomulag verður til þess að oft má sjá kylfinga taka meiri áhættur í leik sínum í holukeppni, til að verða andstæðing sínum fremri, þar sem það skiptir öllu að vinna einstakar holur; tapist hola skiptir engu hvort að hún tapast með einu höggi eða fimm högga mun. Með sama hætti má oft sjá að keppendur sem spila af varúð og öryggi ná góðum árangri á meðan þeir sem taka áhættur gjalda mistaka sem kunna að verða við slíkan leik.

Holukeppni gerur því verið afar skemmtilegur golfleikur, sem rétt er að hvetja sem flesta kylfinga til að leika af og til í stað hefðbundins höggleiks.