Holukeppni GÍ

Að hámarki geta 64 skráð sig til leiks

Skráningarfrestur er til 19 . júní. 20. júní verður dregið um hverjir/hverjar leika saman. Að jafnaði hafa leikmenn 2 vikur til að ljúka leik sínum, en 3 vikur í kringum meistaramót GÍ.

Keppendur koma sér saman um leiktíma og skila úrslitum til mótsstjórnar að leik loknum.

Mótsgjald kr. 3.000, keppendur leggi gjald inn á reikning klúbbsins, 556-26-10897, 500981-0169.

Keppnisgjöld munu renna til unglingastarfs GÍ.

2. umferð hefst 11. júlí

3. umferð hefst 25. júlí

4. umferð hefst 8. ágúst

5. umferð hefst 22. ágúst

Leikjum umferða þarf því að vera lokið amk degi áður en næsta umferð hefst, skori skal skila til mótsstjóra eða í skorkortakassann góða í skálanum.

Reglugerð um holukeppni GÍ

1. gr.
Mótið skal halda árlega og keppt verður opnum flokki. Hámarks leikforgjöf skal vera 36.

2. gr.

Mest 64 keppendur geta skráð sig til leiks. Þegar skráningarfresti lýkur verður dregið um hverjir leika saman.

3. gr.

Aðeins kylfingar með gilda EGA forgjöf hafa keppnisrétt í holukeppninni.

4. gr.

Leikmaður ræður af hvaða teig hann leikur og tekur leikforgjöf hans mið af því. Nota skal grunnforgjöf eins og hún er, þegar leikur fer fram við útreikning leikforgjafar, þó með hámarksleikforgjöf skv. 1.gr. Forgjöf nýtist í samræmi við forgjafarröð vallarins. Sé annar leikmaður t.d. með 10 í forgjöf en hinn 18, fær forgjafarhærri leikmaðurinn forgjöf á hinn leikmanninn á holum 1-8 í forgjafarröð.

5. gr.
Í hverri umferð í holukeppninni eru leiknar 18 holur. Leika skal til úrslita í hverjum leik. Ef kepppendur standa jafnir eftir 18 holur skal leika bráðabana þar til úrslit fást, eina holu í senn. Um leið og annar keppandinn vinnur holu telst leik lokið. Bráðabaninn er leikinn með fullum forgjafarmun þannig að forgjöf fæst á sömu holum og í 18 holu keppninni, ef það kemur til þess að leikin sé hola í bráðabana þar sem annar keppenda á rétt á forgjöf.

6. gr.
Mótanefnd ákveður lokafresti til að ljúka hverri umferð holukeppninnar og tilkynnir það í mótaskrá og á auglýsingatöflu. Keppendur í holukeppni koma sér saman um hvenær þeir kjósa að leika hverja umferð fyrir þann lokafrest. Geti keppandi ekki leikið, eða mæti hann ekki til leiks á tilskildum tíma hefur hann tapað leik sínum. Mæti hvorugur keppenda til leiks fyrir lokafrest til að ljúka umferð falla þeir báðir úr keppninni. Ef leikmenn geta ekki komið sér saman um leiktíma, geta þeir leitað til mótstjóra um milligöngu.

7. gr.
Sigurvegarar hlýtur titilinn Holumeistari GÍ. Titlinum Holumeistari GÍ fylgir farandgripur.