Holukeppni GOS 2025

Hefst 19. maí
Skráningu lýkur 15. maí
Keppt verður í fjögurra manna riðlum
Mótsstjóri og dómari: Leifur Viðarsson leifurvidarsson@gmail.com

Í hverri umferð eru allir leikir leiknir sama dag.

Þriðjudaginn 19. maí: 1. umferð - riðlakeppni
Rástímar 16:30-18:30

Þriðjudaginn 26. maí: 2. umferð - riðlakeppni
Rástímar 16:40-18:30

Þriðjudaginn 2. júní: 3. umferð - riðlakeppni
Rástímar 16:30-18:30

Þriðjudaginn 9. júní: 4. umferð - 16 manna úrslit
Rástímar 16:30-17:26

Þriðjudaginn 16. júní: 5. umferð - 8 manna úrslit
Rástímar 16:30-16:54

Þriðjudaginn 23. júní: 6. umferð - undanúrslit
Rástímar 16:30-16:38

Laugardaginn 27. júní: 7. umferð - úrslit & 3. sætið
Rástímar 16:30-16:38

Eftir hvern leik skal senda inn úrslit á upplýsingaskjánum í golfskálanum. Þar er hnappur sem kallast HOLUKEPPNI SKRÁ ÚRSLIT

Taka þarf fram hver vann og hvernig leikurinn fór.
Dæmi: [Stína 2/1 Palli] (Þetta þýðir að Stína vann Palla með tvær holur upp þegar ein hola var eftir). Ef óljóst er hvað á að skrifa, passið þá bara að allt komi skýrt fram.

Reglur fyrir Holukeppni

1.gr

Mótanefnd GOS gengst árlega fyrir holukeppni.

2.gr

Mótið er haldið árlega og skal mótanefnd auglýsa mótið og hafa yfirumsjón með framkvæmd þess.

3.gr

Mótið verður leikið í fjögurra manna riðlum. Þar keppa leikmenn allir við alla. Þeir leikmenn sem enda í tveimur efstu sætunum í sínum riðli komast áfram í 16 manna útsláttarfyrirkomulag.

Dregið verður í riðla af handahófi. Riðlarnir verða merktir frá riðli A til H.

4.gr

Leikið verður í 8 riðlum. Fyrstu 32 sem skrá sig fá þátttökurétt, eftir það myndast biðlisti.

Að riðlakeppni lokinni hefjast 16 manna úrslit. Þá er leikinn einn leikur og sá sem vinnur heldur áfram á meðan sá sem tapar dettur úr leik.

Ef færri en 32 þátttakendur skrá sig til leiks verður fækkað í riðlum.
Ef einhverjir riðlar verða færri en fjögurra manna munu þrír keppendur þá leika tvo leiki (allir við alla) og niðurstaðan þá eins og tekið er fram hér að ofan. Það verður aldrei hægt að leika í tveggja manna riðlum.
Ef keppendafjöldi nær niður í 24 keppendur verður leikið í 7 riðlum. Þá fara sigurvegari og annað sætið í riðli 1 sjálfkrafa áfram í átta manna úrslit.
Ef um 6 riðla er að ræða fara sigurvegari og annað sætið í riðlum 1 og 2 sjálfkrafa áfram í átta manna úrslit.
Ef um 5 riðla er að ræða fara sigurvegari og annað sætið í riðlum 1, 2 og 3 sjálfkrafa áfram í átta manna úrslit.
Ef um 4 riðla er að ræða verður riðlakeppni sleppt og dregið verður beint í 16 manna úrslit.
Ef um 3 riðla er að ræða verður riðlakeppni sleppt og farið verður beint í átta manna úrslit. Þá fara bæði sigurvegarar í riðlunum og þeir kylfingar sem lenda í öðru sæti áfram ásamt tveimur kylfingum sem ná besta árangri í 3. sæti síns riðils.
Ef um 2 riðla er að ræða verður riðlakeppni sleppt og farið verður beint í útláttarkeppni eða átta manna úrslit.

Að riðlakeppni lokinni verður leikið eftir oddaflugsformi.

Hægt verður að fylgjast með stöðunni í riðlakeppninni á upplýsingaskjánum í golfskálanum.

5.gr.

Í hverjum leik/umferð í holukeppninni með forgjöf eru leiknar 14 holur með fullri leikforgjöf, að hámarki eitt högg í forgjöf á hverri holu. (Dæmi: Ef leikmaður A er með vallarforgjöfina 10 og leikmaður B er með vallarforgjöfina 15 þá fær leikmaður B auka högg á fimm erfiðustu holurnar á vellinum). Leikið skal til úrslita í hverjum leik.

Séu menn jafnir eftir 14 holur er spilaður bráðabani og vinnur sá sem fyrst vinnur holu, sömu forgjafarholur gilda og í 14 holu leiknum. Ef annar leikmaður er með forgjöf þá heldur hún sér í bráðabana en bara á sömu holum og þegar fyrstu 14 holurnar voru leiknar.

6.gr

Þegar mót er auglýst skal liggja fyrir áætlun um á hvaða dögum skuli leikið. Mótagjöld skulu greidd áður en að leikur hefst. Þessi auglýsing skal birt eins fljótt og frekast er unnt á heimasíðu klúbbsins og í klúbbhúsi og skal eftir auglýsingu teljast staðfestur tími. Mæti keppandi ekki til leiks á auglýstum staðfestum tíma tapar hann leiknum sjálfkrafa.

7.gr

Ef leikmenn hafa jafnmörg stig eftir riðlakeppnina verður úrskurðað á eftirfarandi hátt.

1. Innbyrðis úrslit þeirra sem eru jafnir

2. Holumunur í innbyrðis leikjum

3. Heildar holumunur í riðlinum

4. Ef enn jafnt → bráðabani eða hlutkesti

8.gr

Verðlaun eru veitt fyrir þrjú efstu sætin.

9.gr

Sigurvegari í holukeppninni, ár hvert, hlýtur titilinn Holumeistari GOS og fylgir titlinum farandgripur. Bikarinn vinnst ekki til eignar.

Holukeppni GOS 32 manna úrslit