Hlekkur á stöðu í holukeppni

Leikfyrirkomulag

Holukeppni í unglingaflokkum þar sem á fyrsta degi er 18 holu forkeppni í höggleik. Úr forkeppninni fara áfram þeir 16 keppendur sem hafa lægst skor. Röðun í sæti skal fara eftir skori, sá sem hefur lægst skor fær nr. 1 í holukeppninni, næstlægsta skor nr. 2 og svo framvegis. Ef keppendur eru jafnir eftir forkeppnina ákvarðast röð þeirra eftir síðustu 9 holur, ef enn er jafnt þá skal varpa hlutkesti um röð.

Á öðrum degi skal leika fyrst 16 manna holukeppni og síðan 8 manna holukeppni þeirra sem áfram komast.

Á þriðja degi skal leika 4 manna holukeppni þeirra sem áfram komast og síðan skal leikið til úrslita , bæði um 3. sætið og um 1. sætið.

Keppt skal samkvæmt gildandi reglugerð um Íslandsmót í holukeppni í unglingaflokkum og móta- og keppendareglum GSÍ. Mótsstjórn áskilur sér rétt að breyta þessum upplýsingum áður en mótið hefst.

Föstudagur Höggleikur Rástímar: 07:30

Laugardagur Holukeppni Rástímar: 07:30 (16 manna)

Rástímar: 12:30 (8 manna) með fyrirvara.

Sunnudagur Holukeppni Rástímar: 07:30 Undanúrslit

Rástímar: 12:30 úrslit

Áhorfendur

Með vísan til minnisblaðs sóttvarnarlæknis, dags. 11. ágúst sl., og auglýsingar heilbrigðisráðherra 12. ágúst sl. þá liggur fyrir að áhorfendur eru ekki leyfðir á íþróttaviðburðum. Af þeim sökum verða Íslandsmót unglinga í holukeppni hjá Golfklúbbi Suðurnesja og Áskorendamótið hjá Golfklúbbi Grindavíkur leikin án áhorfenda. Þeir einu sem mega vera á íþróttasvæðinu eru keppendur, þjálfarar og starfsmenn mótanna. Golfsambandið biður alla forelda og aðra aðstandendur vinsamlegast um að virða það.

Rástímar og ráshópar

Rástímar verða birtir á GolfBox eftir kl.17:00 á miðvikudeginum fyrir mót. Á fyrsta keppnisdegi er keppendum raðað af mótsstjórn á rástíma en síðan hefst holukeppni.

Þátttökurréttur

Hámark 144 keppendur geta tekið þátt í Íslandsmót unglinga í holukeppni sem skiptist niður í fjóra aldursflokka. Ef fjöldi skráðra keppenda fer yfir hámark í hverjum flokki ræður forgjöf því hverjir komast inn í hvern flokk fyrir sig, en þá ræður forgjöf að morgni 12. ágúst því hverjir komast inn í hvern flokk. Standi val á milli keppenda með jafnháa forgjöf skal hlutkesti ráða. Ef ekki næst hámarksfjöldi í einhvern ákveðinn flokk má mótsstjórn bæta við keppendum úr öðrum aldursflokkum

Piltaflokkur
19 – 21 ára
12 keppendur
Hvítir teigar

4.000,- kr.

Stúlknaflokkur
19 – 21 ára
6 keppendur
Bláir teigar

4.000,- kr.

Piltaflokkur
17 – 18 ára
30 keppendur
Hvítir teigar

4.000,- kr.

Stúlknaflokkur

17 – 18 ára

12 keppendur

Bláir teigar

4.000,- kr.

Drengjaflokkur

15 – 16 ára

30 keppendur

Gulir teigar

4.000,- kr.

Telpnaflokkur

15 – 16 ára

12 keppendur

Bláir teigar

4.000,- kr.

Strákaflokkur

14 ára og yngri

30 keppendur

Bláir teigar

4.000,- kr.

Stelpuflokkur

14 ára og yngri

12 keppendur

Rauðir teigar

4.000,- kr.

Samtals

144 keppendur

Skráning

Þátttakendur skulu skrá sig í mótið á GolfBox fyrir kl. 23:59 á þriðjudeginum fyrir mótið. **Engar undantekningar á skráningu í mótið verða leyfðar eftir að skráningu lýkur, þó svo laus sæti séu í mótið**.

Æfingahringur

Einn æfingahringur er innifalinn í mótsgjaldi. Keppnisvöllurinn verður opinn til æfinga fyrir skráða keppendur í síðasta lagi einum degi fyrir mót. Vinsamlegast hafið samband við klúbbinn til að bóka rástíma. En athugið að greiða verður mótsgjaldið áður en æfingahringur er leikinn.

Víti fyrir brot á keppnisskilmála:

Höggleikur – Tvö högg fyrir hverja holu þar sem brotið átti sér stað; hámarksvíti í hverri umferð – Fjögur högg (tvö högg á holu á fyrstu tveimur holunum þar sem eitthvert brot átti sér stað).

Holukeppni – Við lok leiks um holu, þar sem brot hefur komið í ljós er leikstaðan leiðrétt með því að draga frá eina holu fyrir hverja holu þar sem brotið átti sér stað; hámarksvíti í hverri umferð – Tvær holur.

Ef brot uppgötvast á milli leiks um tvær holur telst það hafa uppgötvast við leik á næstu holu og vítinu er beitt samkvæmt því.

Kylfingur sem hefur kylfubera verður, strax og í ljós kemur að brot hafi verið framið, að tryggja að hann hafi ekki kylfubera það sem eftir er hinnar fyrirskipuðu umferðar. Að öðrum kosti sætir leikmaðurinn frávísun.

Verðlaun

Veitt verða verðlaun fyrir 1. – 3. sæti í öllum flokkum.

Verðlaunaafhending

Verðlaunaafhending er haldin strax að lokinni keppni í hverjum aldursflokki fyrir sig.

Ráðstafanir vegna Covid-19

Leikið verður eftir Covid staðarreglum sem gefnar voru út 4. maí. Kylfuberar eru óheimilir í öllum aldursflokkum. Keppendur skulu nota skorskráningu í GolfBox fari ræsir fram á það. Áhorfendur eru bannaðir.

Birt með fyrirvara um breytingar.