Keppnisskilmálar Íslandsmótsins í golfi 2026

Mótið fer fram 6.-9. ágúst á Korpúlfsstaðavelli. Keppt skal samkvæmt gildandi reglugerð um Íslandsmót í golfi karla og kvenna og móta- og keppendareglum GSÍ.

Þátttökuréttur og niðurskurður

Þátttökurétt hafa (a) íslenskir ríkisborgarar og (b) erlendir kylfingar eftir a.m.k. þriggja ára samfellda búsetu hérlendis. Hámarksfjöldi þátttakenda skal vera 132. Í karlaflokki er hámarksforgjöf 3,0 og í kvennaflokki 5,5. Hámarksforgjöf miðast við forgjöf þátttakanda kl. 8:00 morguninn eftir að skráningarfresti lýkur. Þátttakendur skulu vera félagar í golfklúbbi innan vébanda GSÍ.

Þátttökurétt í hvorum flokki hafa, í þessari röð:

1. Fyrrum Íslandsmeistarar í golfi.

2. Leikmenn með stig á heimslista atvinnukylfinga (www.owgr.com) kl. 8:00 morguninn eftir að skráningarfresti lýkur.

3. Leikmenn í sætum 1 – 2000 á heimslista áhugakylfinga (www.wagr.com) kl. 8:00 morguninn eftir að skráningarfresti lýkur.

4. Leikmenn í sætum 1 – 32 á stigalista GSÍ á yfirstandandi ári. Ef tveir eða fleiri leikmenn eru jafnir í 32. sæti skulu þeir báðir/allir fá þátttökurétt.

5. Leikmenn sem ekki hafa unnið rétt til þátttöku samkvæmt liðum 1 til 4 að ofan, sem annars vegar skipa efsta sæti á stigalista Unglingamótaraðarinnar í flokkum 15-16 ára og hins vegar flokkum 17-18 ára.

6. Aðrir leikmenn sem uppfylla forgjafarmörk og fjærst eru forgjafarmörkum í sínum flokki kl. 8:00 morguninn eftir að skráningarfresti lýkur. Standi val á milli keppenda með forgjöf jafnlangt frá forgjafarmörkum skal hlutkesti ráða.

Þó skulu að lágmarki 33 kylfingar fá þátttökurétt í hvorum flokki. Keppendum skal þó fjölgað þannig að fullir ráshópar verði í hvorum flokki.

Eftir 36 holu leik skal leikmönnum fækkað þannig að þau 50% leikmanna sem eru með besta skor í hvorum flokki halda áfram keppni. Ef leikmenn eru á sama skori og sá sem er með lakastan árangur þeirra sem halda áfram skulu þeir báðir/allir halda áfram. Einnig skulu leikmenn ætíð fá að halda áfram keppni séu þeir 10 höggum eða minna á eftir þeim leikmanni sem er í 1. sæti.

Heimilt er mótstjórn að fækka leikmönnum að loknum 54 holum þannig að þau 40% leikmanna, er skráðir voru til leiks, sem eru með besta skor í hvorum flokki halda áfram keppni. Slíka ákvörðun þarf að mótstjórn að taka og tilkynna í síðast lagi áður en leikur hefst eftir 36 holur. Ef leikmenn eru á sama skori og sá sem er með lakastan árangur þeirra sem halda áfram skulu þeir báðir/allir halda áfram. Einnig skulu leikmenn ætíð fá að halda áfram keppni séu þeir 7 höggum eða minna á eftir þeim leikmanni sem er í 1. sæti eftir að leiknar hafa verið 54 holur.

Ef jafnt er að loknum 72 holum skal leika þriggja holu umspil og síðan bráðabana ef þörf er á um 1. sæti. Ekki skal leikið um önnur sæti, heldur teljast viðkomandi leikmenn jafnir.

Skráning

Skráning í mótið fer fram í GolfBox og er skylda að greiða mótsgjald við skráningu. Allir kylfingar geta skráð sig en tryggð þátttaka skýrist þó ekki fyrr en eftir að skráningafresti lýkur og endanlegur keppendalisti hefur verið gefinn út. Þeir kylfingar sem skrá sig í mótið en fá ekki þátttökurétt munu fá mótsgjald endurgreitt.

Skráningarfrestur er til kl. 23:59 fimmtudaginn 23. júlí.

Sjá eftirfarandi reglur sem eru í gildi í mótinu:

Mótsgjald og æfingahringir

Mótsgjald er 24.000 kr. Innifaldir eru tveir æfingahringir, æfingaboltar á meðan á móti stendur og miði í lokahóf. Mótsgjald fæst einungis endurgreitt séu forföll boðuð eigi síðar en kl. 18:00, þremur dögum fyrir fyrsta keppnisdag. Formlegir æfingadagar eru þriðjudaginn 4. ágúst og miðvikudaginn 5. ágúst. Vinsamlegast bókið rástíma í gegnum skrifstofu í síma 585-0206 eða grskrifstofa@grgolf.is

Vinsamlegast athugið að kylfingar þurfa að hafa skráð sig í mótið og greitt mótsgjald til að geta leikið æfingahring.

Lokahóf

Miði á lokahóf er innifalinn í mótsgjaldi.

Verðlaun

Veitt verða peningaverðlaun fyrir 1. - 3. sæti í flokki karla og kvenna.

sæti 140.000 kr. (500.000 kr. fyrir atvinnukylfinga)
sæti 100.000 kr. (300.000 kr. fyrir atvinnukylfinga)
sæti 70.000 kr. (150.000 kr. fyrir atvinnukylfinga)

Undankeppni

Verði umframskráning í mótið sem nemur a.m.k. 20 keppendum í flokki karla og/eða 10 keppendum í flokki kvenna mun undankeppni fara fram. Umframskráningin skal bundin við þá leikmenn sem standast forgjafarmörk og hafa skráð sig til keppni í Íslandsmótinu innan tilskilins skráningarfrests. Keppt verður um 10 síðustu sætin í karlaflokki og 5 síðustu sætin í kvennaflokki. Verði leikmenn jafnir skal leika bráðabana um 10. sætið í flokki karla og 5. sætið í flokki kvenna.

Undankeppnin er 18 holu höggleikur án forgjafar og fer fram 30. júlí á Korpúlsstaðavelli. Ræst verður út af 1. teig frá kl. 08:00. Undankeppnin verður því aðeins haldin að minnst 13 keppendur skrá sig í karlaflokki og undankeppnin í kvennaflokki því aðeins haldin ef átta keppendur skrái sig í undankeppnina.

Biðlisti

Verði undankeppninni aflýst (t.d. ef lágmarksfjölda þátttakenda er ekki náð) skulu leikmenn sem skráðu sig í undankeppnina hafa forgang varðandi þátttöku í Íslandsmótinu umfram þá sem ekki skráðu sig. Fari undankeppnin fram ræðst röð leikmanna á biðlista af árangri í undankeppninni og að því frátöldu af forgjöf kl. 8:00 morguninn eftir að skráningarfresti lýkur.

Ef tveir eða fleiri kylfingar eru með sama skor í undankeppni (í sætum 11 og aftar í karlaflokki og sætum 6 og aftar í kvennaflokki) eða jafnháa forgjöf hafi þeir ekki tekið í þátt í undankeppni, ræður hlutkesti röð á biðlista. Verði forföll fyrir fyrsta keppnisdag verður haft samband við kylfinga á biðlista og þeim boðin þátttaka. Kylfingar á biðlista geta mætt á keppnisstað að morgni fyrsta keppnisdags og verið til taks ef forföll verða. Viðkomandi þurfa að gefa sig fram við afgreiðslu.

Annað

Karlar leika á teigstæði 63 og konur á teigstæði 57

Í kvennaflokki eru gerðar breytingar á þremur holum. Á 8. holu verður leikið af teigstæði 52 í stað 57. Á 11. holu verður leikið af gamla teigstæði 63 (fyrir breytingu). Á 16. holu verður leikið af teigstæði 46 og holan verður par 4. Heildarlengd vallar er 5433 metrar, par 71.

Í mótinu verða teigar mögulega færðir fram á eftirfarandi holum:

3. hola (á fremri teigstæði)

4. hola (karlar á gamla teigstæði 63 og konur á 52)

7. hola (konur á teigstæði 52)

9. hola (á fremri teigstæði)

13. hola (á fremri teigstæði)

14. hola (konur á teigstæði 52)

15. hola (karlar á teigstæði 52 og konur á teigstæði 52 og 46)

Mótsstjórn áskilur sér rétt að skoða forgjafaryfirlit kylfinga og hafna þátttöku telji hún forgjöf ekki samræmi við getu samkvæmt 7.2a í forgjafarreglum.

Ekki verður tekið á móti skráningum eftir að skráningarfresti lýkur.

Keppendum er óheimilt að bera eða sýna auglýsingar sem tengjast ólöglegri starfsemi s.d. veðmálastarfsemi eða áfengum drykkjum.

Mótsstjórn: Ómar Örn Friðriksson, Sigríður Guðmundsdóttir, Harpa Ægisdóttir, Brynjar Eldon Geirsson, Björn Ólafur Bragason, Ólafur Björn Loftsson, Karen Sævarsdóttir

Netfang mótsstjórnar: motanefnd@golf.is

Dómari: Nicholas Anthony Cathcart-Jones

Birt með fyrirvara um breytingar.

Íslandsmótið í golfi