Jónsmessumót
9 holu snærisleikur

21.06.2024

Leikinn er snærisleikur sem er leikinn með þeim hætti að hver keppandi fær snæri í samræmi við forgjöf sína, þ.e. 0.25 metra af snæri fyrir hvert högg í forgjöf. Sá sem er t.d. með 20 í forgjöf fær þá 5 metra snæri. Snærið verður þá forgjöf keppanda og getur keppandi klippt af snærinu í staðinn fyrir högg. Til dæmis ef keppandi slær inn á 9. flöt í þriðja höggi og er meter frá holu þá getur hann nýtt sér snærið og sleppt því að telja næsta högg. Þá skrifar sami keppandi 3 sem skor á 9. braut.

Klúbburinn mun skaffa snæri en keppendur eru beðnir um að koma með skæri, hníf eða annað sem hægt er að nota til þess að klippa snærið.

Ræst verður út af öllum teigum stundvíslega klukkan 20:00 og eru keppendur beðnir um að mæta tímanlega. Raðað verður í holl og skráning á golf.is

Jónsmessumót - snærisleikur