Reglur um Landsmót ÍSL í höggleik.

1. Mótið heitir: Landsmót lögreglumanna í höggleik.

2. Mótið er haldið á vegum Íþróttasambands Lögreglumanna (ÍSL).

3. Stjórn ÍSL ákveður hvaða aðildarfélag/nefnd verði umsjónaraðili mótsins hverju sinni og geta félögin/nefndirnar ekki skorast undan því að halda mótið. Umsjónaraðili mótsins ber fjárhagslega ábyrgð á mótinu.

4. Mótshaldari ákveður þáttökugjald að höfðu samráði við framkvæmdastjórn ÍSL.

5. Um þátttökurétt fer sem segir í: Reglur um rétt til þátttöku í Landsmótum ÍSL.

6. Flokkaskipting á mótinu:

Keppt er í:

A flokki að 9,9 í forgjöf, án forgjafar.

B flokki 10,0 – 18,4 í forgjöf, punktakeppni.

C flokki 18,5 – 24 í forgjöf, punktakeppni.

D flokki 24,1 og hærri í forgjöf, punktakeppni

Öldungaflokki 50 ára og eldri, punktakeppni.

Flokki Heldrimanna 65 ára og eldri, punktakeppni (Er fyrir eftirlaunaþega)

(Miðað er við fæðingarár)

Hámarsleikforgjöf karla er 24,1 en kvenna 28, nema viðkomandi sé með löglega GSÍ forgjöf sem er hærri.

Sveitakeppni 3 bestu telja af þeim sem hefja leik á gulum teigum.

7. Leikið er af gulum teigum í A, B, C, D og Öldungaflokki en af rauðum teigum í Flokki Heldrimanna.

8. Veittir eru (litlir) eignabikarar fyrir sigur í öllum flokkum. ÍSL ber kostnaðinn af þeim.

9. Veittir eru gull, silfur og brons verðlaunapeningar fyrir 3 efstu sætin í öllum flokkum. Engin keppni fer fram í flokkum þegar um einn keppanda er að ræða. Mótshaldari ber kostnað af verðlaunapeningunum.

10. Veittir eru gull silfur og brons verðlaunapeningar, fyrir 3 efstu sætin í sveitakeppni. Keppt er um farandbikar í Sveitakeppni án forgjafar.

11. Verðlaunapeningar eru sérstakir ÍSL verðlaunapeningar.

12. Í sveitakeppni skulu sveitir myndaðar keppendum frá sama embætti. Heimilt er að mynda fleiri en eina sveit frá hverju embætti.

13. Heimilt er að mynda sveit keppenda frá mismunandi embættum (allt að þremur) ef ekki er um að ræða nægjanlegan fjölda keppenda frá einhverju embætti til að mynda sveit.

14. Fyrir upphaf móts skal liggja fyrir skipan sveita.

15. Í sveitakeppni telja aðeins sveitir frá aðildarfélögum/nefndum sem ekki skulda ÍSL árgjöld.

16. Við skráningu í Landsmótið er keppendum skylt að skrá sig í ákveðinn flokk eða í síðasta lagi fyrir upphaf keppni. Ef það er ekki gert gildir skráning mótshaldara.

17. Reglum þessum verður einungis breytt á þingi ÍSL.

Samþykkt á stjórnarfundi ÍSL 20. 06. 2001.

Breytt á stjórnarfundi ÍSL 05. 05. 2011.

Breytt á stjórnarfundi ÍSL 08. 12. 2012.

Breytt á þingi ÍSL 2014.

Breytt á þingi ÍSL 2016.