Lexus bikarinn 2026

Þátttökuréttur
Keppt skal samkvæmt gildandi reglugerð um stigamót karla og kvenna og móta- og keppendareglum GSÍ. Keppt er eftir staðarreglum GSÍ ásamt viðbótarstaðarreglum Leirdalsvallar.

Hámarksfjöldi kylfinga í mótið er 84 en að lágmarki 21 kylfingur fær þátttökurétt í hvorum flokki.

Í karlaflokki er hámarksforgjöf 5,5 og í kvennaflokki 8,5. Ef fjöldi skráðra leikmanna fer yfir hámarksfjölda ræður forgjöf kl. 8:00 morguninn eftir að skráningarfresti lýkur því hverjir komast inn í hvorn flokk, þ.e.a.s. þeir kylfingar sem fjærst eru forgjafarmörkum í sínum flokki.

Að lágmarki 25% af hámarksfjölda keppenda fá þátttökurétt í hvorum flokki, að teknu tilliti til stærðar ráshópa. Standi val á milli keppenda með forgjöf jafnlangt frá forgjafarmörkum skal hlutkesti ráða. Það verður biðlisti ef það verður umframskráning í mótið. Keppendur á biðlista þurfa að vera skráðir til leiks og uppfylla þátttökuskilyrði.

Þátttaka erlendra kylfinga
Erlendir kylfingar hafa heimild til þátttöku í mótum á GSÍ mótaröðinni enda uppfylli þeir eftirfarandi skilyrði:

Sýni fram á gilda forgjöf samkvæmt WHS-forgjafarkerfinu.
Sýni fram á félagsaðild í viðurkenndum golfklúbbi í sínu heimalandi eða hérlendis.
Skráningu og greiðslu þátttökugjalda sé lokið innan tilgreinds frests.

Mótsstjórn áskilur sér rétt til að óska eftir staðfestingum á ofangreindum skilyrðum áður en þátttaka er samþykkt.

Leikfyrirkomulag
Leikið er á Leirdalsvelli. Höggleikur í flokki karla og kvenna, 54 holur leiknar, 18 holur á fimmtudegi, 18 holur á föstudegi og 18 holur á laugardegi.

Niðurskurður: Enginn niðurskurður verður í mótinu.

Rástímar og ráshópar
Rástímar verða birtir á golf.is eftir kl. 15:00 á þriðjudeginum fyrir mót. Á fyrsta keppnisdegi ákveður mótsstjórn röðun í ráshópa en síðan verður raðað út eftir skori. Ræst verður út alla dagana frá kl. 8:00.

Mótsgjald
Karlaflokkur: Teigstæði 59. 17.900 kr.
Kvennaflokkur: Teigstæði 52. 17.900 kr.

Innifalið í mótsgjaldi er morgunverðarhlaðborð í boði Lexus fyrir leikmenn og kylfubera þeirra í sérstakri Leikmannastofu og aðgangur að golfhermum GKG alla keppnisdaga.

Skráning og þátttökugjald
Skráningu lýkur mánudaginn 20. júlí kl. 23:59.
*Engar undantekningar á skráningu verða leyfðar í mótið eftir að skráningu lýkur.
** Þátttökugjöld verða ekki endurgreidd ef afboðun kemur eftir að skráningarfresti lýkur.
***Þeir keppendur sem ekki fá þátttöku í mótið fá endurgreitt að móti loknu.

Æfingahringur
Einn æfingahringur án endurgjalds er heimilaður. Vinsamlegast hafið samband við GKG á netfangið proshop@gkg.is til að panta rástíma. Reglur um æfingahringi er að finna á hlekk hér fyrir neðan. Skilyrði fyrir æfingahring er að búið sé að greiða þátttökugjald.

Mælst er til þess að bóka æfingahring tímanlega vegna álags á vellinum.

Verðlaun

Karla- og kvennaflokkur:

1. sæti: 140.000 kr.

2. sæti: 100.000 kr.

3. sæti: 60.000 kr.

Ef keppendur eru jafnir í fyrsta sæti þá verður leikinn bráðabani en að öðru leyti gilda móta- og keppendareglur GSÍ. Ef keppendur eru jafnir í öðrum sætum skiptast stig og verðlaun jafnt milli þeirra keppenda.

Gert er ráð fyrir að verðlaunaafhending hefjist 20 mínútum eftir að síðasti ráshópur lýkur leik.

Mótsstjórn:

Úlfar Jónsson

Sæmundur Melstað

Haukur Már Ólafsson

Dómari: Sæmundur Melstað

Reglugerð um stigamót

Móta- og keppendareglur GSÍ

Almennir keppnisskilmálar og staðarreglur

Almennar staðarreglur um leikhraða

Almennar staðarreglur um hegðun

Almennar reglur - leikmenn, kylfuberar og æfingahringir

Sértækar staðarreglur fyrir Leirdalsvöll

Sértækar staðarreglur fyrir Leirdalsvöll 23. júlí

Lexus bikarinn á GSÍ mótaröðinni