Meistaramót Golfklúbbsins Setbergs verður haldið 4./5. - 8. júlí.

Skráning í mótið opnar 19. júní nk., og verður opin til 30. júní.

Mótið hefur hingað til verið leikið frá miðvikudegi til laugardags en við ætlum að halda því opnu að bæta þriðjudeginum 5. júlí við ef skráning í mótið verður meiri en áður.

Þegar skráningarfrestur er runninn út verður ákveðið hvenær flokkarnir spila og hversu marga daga. Lagt er upp með að flestir flokkarnir leiki fjóra daga. Fyrir liggur að öldungaflokkur karla, kvennaflokkur 4 (þriggja daga punktakeppni) og 5. flokkur karla leika þrjá daga.

Ekki verður hægt að velja rástíma heldur verður ræst út eftir flokkum. Þetta þýðir að keppendur leika alla dagana með öðrum úr sínum flokki.

Leikið verður í eftirtöldum flokkum:

Meistaraflokkur karla: 0 –6,5 – höggleikur.

1. flokkur karla: 6,6 - 11,4 – höggleikur.

2. flokkur karla: 10,5 – 15,0 – höggleikur.

3. flokkur karla: 15,1 - 20,5 – höggleikur.

4. flokkur karla: 20,6 - 54 – punktakeppni.

Öldungaflokkur karla: 55 ára og eldri - punktakeppni með forgjöf.

Kvennaflokkur 1: höggleikur.

Kvennaflokkur 2: Punktakeppni í fjóra daga.

Kvennaflokkur 3: Punktakeppni í þrjá daga.

Athugið að þeir karlar sem eru 55 ára og eldri geta valið hvort þeir taki þátt í öldungaflokki eða sínum flokki samkvæmt forgjöf.

Þátttökugjald:

Kr. 5.500 fyrir þá flokka sem spila fjóra daga.

Kr. 4.500 fyrir þá flokka sem spila þrjá daga.

Eftir að lokað hefur verið fyrir skráningu mun nánara fyrirkomulag á útræsingu og leikdögum flokka verða birt. Horft verður til jafnræðis milli flokka við ákvörðun á rástímum innan dagsins eins og frekast er unnt. Stjórn áskilur sér rétt til þess að breyta framangreindri flokkaskiptingu ef skráning gefur tilefni til.