Meistaramót GHH

Mótið verður haldið á Silfurnesvelli dagana 8. - 10. júlí 2022. Skráningu lýkur fimmtudaginn 17. júlí kl. 20:00.

Keppt verður í eftirfarandi flokkum:

· Meistaraflokkur karla, forgjöf 0-12. Gulir teigar. Leiknar 54 holur, 18 á föstudegi, 18 á laugardegi og 18 á sunnudegi.

· Meistaraflokkur kvenna, forgjöf 0-30. Rauðir teigar. Leiknar 36 holur, 18 á föstudegi og 18 á laugardegi

· 1. flokkur karla, forgjöf 12,1 -24. Gulir teigar. Leiknar 36 holur, 18 á laugardegi og 18 á sunnudegi.

· 1. flokkur kvenna, forgjöf 30,1 og hærri. Leiknar 36 holur, 18 holur á föstudegi og 18 á laugardegi.

· 2. flokkur karla, forgjöf 24,1 og hærri. Gulir teigar. Leiknar 36 holur, 18 á laugardegi og 18 á sunnudegi.

Heldri manna flokkur. 60+. Rauðir teigar, Leiknar 36 holur 18 á laugardegi og 18 á sunnudegi.

· Keppni í öllum flokkum er höggleikur án forgjafar.

Komi til þess að leikmenn standi jafnir í verðlaunasæti að leik loknum skal leika bráðabana (brautir 1, 2, 3 og 9 notaðar í bráðabana). Fáist ekki úrslit eftir fyrstu holu er leikin næsta braut og svo koll af kolli þar til úrslit liggja fyrir. Að leik loknum á sunnudag verður verðlaunaafhending.

Mótanefnd áskilur sér rétt til að breyta flokkum eða fella þá niður verði lítil þátttaka og miðast það við a.m.k. þrjá kylfinga í hverjum flokki.

Skráning fer fram á golf.is og mótnefnd raðar síðan niður í flokkar. Dregið verður í holl á fyrsta degi en síðan raðast holl niður eftir árangri síðari dagana í öllum flokkum.

GHH áskilur sér rétt til að innheimta mótsgjald af kylfingum sem hafa skráð sig á mótið en mæta ekki til leiks án þess að afskrá sig áður en skráningu lokar.

Aðeins kylfingar með gilda forgjöf og greidd félagsgjöld í GHH eru gjaldgengir í meistaramót GHH.

Mótanefnd áskilur sér rétt til breytinga á mótinu, t.d. rástímum, ef þörf krefur.

Mótsgjald er 2000 kr. Athugið að ekki eru veitingar innifaldar í mótsgjaldinu.

Nánari upplýsingar veitir Sindri Ragnarsson, f.h. mótanefndar, í síma 846-0161

Meistaramót GHH 2022