Meistaramótið 2022 verður haldið dagana 30. júní - 2. júlí næstkomandi og verður með svipuðu fyrirkomulagi og síðustu ár nema að núna er hámarksforgjöf 36 í 4. flokk karla, 3. flokk kvenna og báðum opnu flokkunum.

Skráning opnar 20. júní klukkan 21:00 og stendur til klukkan 18:00, miðvikudaginn 29. júní.

Sú breyting verður að golfbílar verða ekki leyfðir hjá keppendum í meistaraflokki nema gegn framvísun læknisvottorðs. Það vottorð þarf að berast skrifstofustjóra GÖ í síðasta lagi 2 dögum áður en mót hefst.

Þátttakendur geta á fyrsta keppnisdegi valið um snemmbúna (09:00 - 12:00) eða síðbúna (13:30 - 16:00) ræsingu. Raðað verður saman á rástíma á fimmtudeginum þeim sem eru í sama flokki en keppendum í meistaraflokki verður raðað saman á rástíma frá klukkan 12:00 - 13:30.

Nándarverðlaun verða veitt bæði í karla og kvennaflokki fyrir þá sem verða næst holu á öllum par 3 brautum vallarins á laugardeginum.

Þau verða vegleg að vanda og í boði UN bókhald og Gillabo ehf.

Verðlaunaafhending verður á laugardagskvöldi með tilheyrandi veislu sem við hvetjum sem flesta til að mæta í.

Matseðill:

Kalkúna bringu í appelsínu marineringu

Sæt kartöflumús.

Vatnsmelónu salat með rauðlauk, fetaosti og klettasalat

Pasta salat með parmesan og rauðu pestó

Engifer og límónu sósa

Kaffi og konfekt

Mótsgjald verður kr. 6.000 en frítt er fyrir þá sem bóka í unglingaflokkinn. Mótsgjald greiðist við bókun.

Hægt verður að bóka í matinn samhliða skráningu í mótið en greiðsla fyrir hann fer fram í veitingasölu, kr. 4.900 á mann. Æskilegt er að sem flestir láti vita hvort þeir verði í mat og taki með sér gest.

Hóparnir þetta árið verða:

Karlaflokkar:

Meistarafl. - forgjöf að 8,9 - höggleikur

1. flokkur - forgjöf 9,0 - 12,9 - höggleikur

2. flokkur - forgjöf 13,0 - 16,9 - höggleikur

3. flokkur - forgjöf 17,0 - 20,9 - höggleikur

4. flokkur - forgjöf 21,0 - 54,0 - höggleikur með forgjöf hámarks forgjöf 36

Kvennaflokkar

Meistarafl - forgjöf að 16,9 - höggleikur

1. flokkur - forgjöf 17,0 - 20,9 - höggleikur

2. flokkur - forgjöf 21,0 - 24,9 - höggleikur

3. flokkur - forgjöf 25,0 - 54,0 - punktakeppni með hámarks forgjöf 36

Opnir flokkar (1.-2. júlí)

Opinn flokkur karla - punktakeppni með hámarks forgjöf 36

Körlum eldri en 70 ára er heimilt að spila af rauðum teig og taka forgjöf samkvæmt því. Tilkynna slíkt við ræsingu.

Opinn flokkur kvenna - punktakeppni með hámarks forgjöf 36

Unglingaflokkur

punktakeppni með fullri forgjöf (2. júlí)

Meistaramót GÖ 2022