Meistaramót GOS 2022

4. júlí – 9. júlí

Reglugerð

Mótið stendur yfir í sex daga, frá og með mánudeginum 4.júlí til laugardagsins 9. júlí.

Rástímar verða frá kl. 10:00 – 17:00 virka daga og frá kl. 8:00 – 14:00 á laugardeginum.

Áætlaðir rástímar verða auglýstir á töflu í skála og á heimasíðu GOS, www.gosgolf.is.

Leikið verður mánudag, þriðjudag, miðvikudag, fimmtudag, föstudag og laugardag.

FLOKKUR FORGJÖF/FYRIRKOMULAG TEIGAR____

Meistaraflokkur karla < 4,4 / höggleikur Gulir teigar

1. flokkur karla 4,5 – 10,4 / höggleikur Gulir teigar

2. flokkur karla 10,5 – 15,4 / höggleikur Gulir teigar

3. flokkur karla 15,5 – 20,4 / höggleikur Gulir teigar

4. flokkur karla 20,5 – 27,4 / höggleikur Gulir teigar

5. flokkur karla 27,5 < / punktakeppni Gulir teigar

Kvennaflokkur Höggleikur og punktakeppni Rauðir teigar

Eldri kylfingar kvk 50 ára+ Höggleikur og punktakeppni Rauðir teigar

Eldri kylfingar kk 55 – 69 ára Höggleikur Gulir teigar

Eldri kylfingar kk 70 ára+ Punktakeppni Rauðir teigar

Unglingaflokkur 13 -16 ára Höggleikur Gulir teigar

· Klúbbmeistari karla er sá sem leikur á fæstum höggum án forgjafar.

· Klúbbmeistari kvenna er sú sem leikur á fæstum höggum án forgjafar.

· Kvennaflokkur spilar höggleik án forgjafar.

· Kvennaflokkur 50 ára og eldri spilar höggleik án forgjafar.

· Meistari eldri kylfinga, í flokki karla 55 – 69 ára og flokki kvenna 50+ er sá og sú sem leikur á fæstum höggum án forgjafar.

· Flokkur eldri kylfinga, 70 ára og eldri, spilar punktakeppni.

· Þeir eldri kylfingar sem eiga valmöguleika á tveimur flokkum, aldursflokki eða forgjafarflokki, ákveða við skráningu í hvorum flokknum þeir ætla að leika.

· Unglingar 13 -16 ára leika í sínum forgjafarflokki.

· Unglingameistari er sá eða sú sem leikur á fæstum höggum án forgjafar.

· Meistaramót Barna, 14 ára og yngri, leika 9 holur á mánudeginum og þriðjudeginum, 4-5 júlí.

Síðasti skráningarfrestur er 1.júlí kl. 12:00 á netinu. Þá ræðst endanleg niðurröðun í flokka.

Keppnisskilmálar verða auglýstir á heimasíðu GOS, www.gosgolf.is, og á töflu í skála
ekki síðar en tveimur vikum fyrir fyrsta keppnisdag.

Keppendur eru beðnir að virða rástíma sína í mótinu og mæta á réttum tíma.

Allir eldri kylfingaflokkar hefja leik í fyrir hádegi.

Leikmenn skulu vera snyrtilega klæddir við leik í mótinu eins og almennt tíðkast.
Óheimilt er að leika í gallabuxum eða íþróttagöllum.

Verðlaun verða fyrir næstur holu alla dagana á 4. holu

Kynnið ykkur keppnisskilmála fyrir Meistaramót GOS 2022.

ATH. Einungis klúbbfélagar með GOS sem aðalklúbb geta orðið klúbbmeistarar.

Keppnisskilmálar Meistaramót GOS 2022

Meistaramót GOS er stærsti viðburður klúbbsins á hverju ári. Leikið er til verðlauna í
11 mismunandi flokkum sem skipt er í eftir forgjöf eða aldri.

Mótið er leikið á sex dögum, 4 - 9.júlí

Klúbbmeistari karla er sá sem leikur á fæstum höggum án forgjafar.

Klúbbmeistari kvenna er sú sem leikur á fæstum höggum án forgjafar.

Bráðabanar og umspil

Verði skor jöfn um klúbbmeistara titlinn skal leika þriggja holu umspil á 7, 8. og 9. braut til úrslita. Fáist ekki niðurstaða eftir umspil leika keppendur bráðabana á 9 holu.

Bráðabanar í öllum flokkum fara fram á 9.braut. Mótsstjórn mun auglýsa tímasetningu umspila og bráðabana. Mæti leikmenn ekki á teig þegar umspil eða bráðabani á að fara fram telst leikurinn tapaður fyrir þá leikmenn.

Verði skor jöfn í punktkeppni eða forgjafarkeppni ráðast úrslit í skrifstofubráðabana í samræmi við golfreglur.

Um skráningu, þátttökuskilmála, flokkaskiptingu, fjölda umferða og keppnisdaga, vísast til reglugerðar um mótið. Eftirfarandi reglur, sérstakir keppnisskilmálar mótsins, eru settir af nefndinni samkvæmt reglu 33-1 í golfreglum.

Þátttökurétt eiga þeir einir sem eru meðlimir GOS og hafa gert skil á félagsgjöldum.

Keppnin er leikin í flokkum samkvæmt reglugerð og er leikið án forgjafar í öllum flokkum, nema þeim flokkum sem annað er auglýst. Rástímar eru samkvæmt sérstökum tilkynningum mótanefndar.

Ákvörðun um frestun leiks eða niðurfellingu umferða vegna veðurs er í höndum mótstjóra og mótsstjórnar.

Leikmenn í öllum flokkum, öðrum en eldri kylfinga flokkum karla og kvenna, skulu leika hinar fyrirskipuðu umferðir mótsins gangandi.

Akstur (úrsk. 33-1/8). Leikmenn mega ekki ferðast á eða í neinu afbrigði faratækis á meðan fyrirskipuð umferð er leikin, nema mótstjórn leyfi. Slíkt leyfi fæst hins vegar ekki nema að framlögðu læknisvottorði.

Mæti kylfingur á 1. teig, tilbúinn til leiks, innan fimm mínútna eftir rástíma sinn og kringumstæður eru slíkar að þær réttlæti afnám frávísunarvítis samkvæmt reglu 33-7, skal hann hljóta tvö vítishögg, en ella frávísun mæti hann meira en fimm mínútum of seint.

Hámarksleiktími fyrirskipaðrar umferðar (18 holur) er 4 klst. og 20 mín. Viðurlög eru skv. reglu 6-7 (Óhæfileg töf. Slór við leik ). ATH. Nánari tímamörk eru auglýst á auglýsingatöflu í skála.

Ef vafi er á hvað gera skal samkvæmt golfreglum skal kalla á dómara eða leika tveimur boltum samkvæmt reglu 3-3.a og tilkynna mótstjórn atvikið áður en skorkorti er skilað í mótslok. Mótsstjórn/dómari kveður upp úrskurði áður en úrslit verða kynnt.

Dómarar eru þeir félagar klúbbsins, samkvæmt skipan nefndarinnar, sem dómararéttindi hafa, en þó þannig að enginn þeirra dæmi í þeim flokki þar sem viðkomandi dómari er þátttakandi.

Víti fyrir brot á keppnisskilmála:

Höggleikur: Tvö högg, gildir um hverja holu sem brotið á við.

Dómari: Hlynur Geir Hjartarson og Leifur Viðarsson

Mótstjóri: Hlynur Geir Hjartarson og Heiðrún Anna Hlynsdóttir

Mótstjórn: Arnór Ingi Gíslason, Sigurður Júlíusson, Kristinn Sölvi Sigurgeirsson, Þorkell Ingi Sigurðsson, Gylfi Dagur Leifsson, Guðmundur Fannar Vigfússon og Heiðrún Anna Hlynsdóttir.

Mótsgjald 7000 kr.

Lokahóf: Auglýst síðar

Hér fyrir neðan eru áætlaðir rástímar.

ATH þeir munu breytast en það fer eftir skráningu í hvern flokk.