Meistaramót Golfklúbbs Reykjavíkur 2025 fer fram dagana 6. – 12. júlí næstkomandi. Keppni fer fram á Grafarholtsvelli og á Korpúlfsstaðarvelli, Sjórinn/Áin, líkt og undanfarin ár. Sunnudaginn 6. júlí til þriðjudagsins 8. júlí leika allir barna- og unglingaflokkar, 50 ára og eldri karlar í forgjafarflokkum 10,5 og hærra, 50 ára og eldri konur í forgjafarflokkum 16,5 og hærra. Þá leika einnig 3. og 4. flokkur karla og kvenna og 5. flokkur karla. Þessir flokkar leika þriggja daga mót eða 54 holur. Börn 12 ára og yngri með forgjöf 40,1 og hærra spila 3*9 holur á Landinu frá sunnudegi til þriðjudags.

Miðvikudaginn 9. júlí til laugardagsins 12. júlí leika karlar 50 -64 ára í forgjafarflokk 0-10,4 og konur 50 -64 ára í forgjafarflokk 0-16,4, 2.flokkur karla og kvenna, 1.flokkur karla og kvenna og Meistaraflokkur karla og kvenna. Þessir flokkar leika fjögurra daga mót eða 72 holur.

Eftirfarandi flokkar spila höggleiksafbrigði þannig að hámarkshöggafjöldi á hverri holu eru 10 högg, þegar leikmaður er búinn með 10 högg á holu er boltinn tekinn upp og skrifað 10 högg á viðkomandi holu.

Flokkarnir með hámarkshöggafjölda eru:

3., 4. og 5. flokkar karla.

2., 3. og 4. flokkur kvenna

50-64 ára karla forgjöf hærri en 10,4

50-64 ára kvenna forgjöf hærri en 16,4

65+ flokkar karla

75+ flokkar karla

65+ flokkar konur

75+ flokkar kvenna

Allir unglingaflokkar.

Nánari skiptingu flokka er að finna hér – Meistaramót

Keppendur 18 ára og yngri leika í sínum aldursflokki nema að þeir hafi meistaraflokksforgjöf þá er þeim heimilt að leika í Meistaraflokki.

Í meistaramótsviku verður keppendum boðið upp 50 bolta fötu í Básum til upphitunar alla mótsdaga og hvetjum við alla til að nýta sér það.

Skráning í mótið hefst miðvikudaginn 25. júní kl. 10:00 og fer fram í mótaskrá á Golfbox. Skráningu lýkur fimmtudaginn 3. júlí kl.12:00 – greiða þarf mótsgjald við skráningu. Innifalið í mótsgjaldi eru veitingar og skemmtun í lokahófi á laugardagskvöldi.

Athugið!
Hámarksfjöldi í hvern flokk er 90 manns, ef full skráning verður ekki í alla flokka er hægt að fjölga í öðrum flokkum. Raðað er inn í flokka eftir skráningartíma. Sú forgjöf sem kylfingar eru með á loka skráningardegi, gildir í mótinu.

Mótsgjöld:
4ra daga mót, 72 holur = 13.500 kr.
3ja daga mót, 54 holur = 12.500 kr.

Börn og unglingar
B&U 3ja daga mót, 54 holur = 9.300 kr

12 ár og yngri, 27 holur = 4.900 kr

Allar upplýsingar um Meistaramót, áætlaða rástíma og skiptingu flokka, er að finna á hér á vefnum undir „Golf – Meistaramót“

Reglubók Golfklúbbs Reykjavíkur – Skráning og mætingar í mót.
9.1 Mótshaldara er heimilt að krefjast greiðslu þátttökugjalda við skráningu. Keppandi á ekki rétt á endurgreiðslu þátttökugjalds boði hann forföll til mótsstjórnar/nefndarinnar, síðar en kl. 18.00 daginn fyrir fyrsta keppnisdag.

Meistaramót GR 2025 - 4 dagar 2.fl kk&kvk og 50+lægstu forgjafaflokkar