Glæsilegt 2ja daga mót sem haldið er með stuðningi FISK Seafood!

Opna FISK mótið - liðakeppni er fyrir hjón og pör, frændur, frænkur, nágranna og félaga (18 ára og eldri), 13.-14. júní 2024.

Skráning opnar 15. maí og lokar* 11. júní, mótsgjald kr. 32.000 á lið greiðist við skráningu í Golfbox. Við afskráningu eftir 11. júní verður ekki hægt að fá endurgreitt.

*Athugið að einungis 32 lið komast í mótið (64 kylfingar), fyrstur kemur fyrstur fær. Ef uppselt verður í mótið geta lið sent póst á mótsstjórn og óskað eftir skráningu á biðlista.

Innifalið í mótsgjaldi: Æfingahringur á fimmtudegi. Tveggja daga mót, teiggjöf og 2ja rétta kvöldverður á Sauðá kl. 19:30 á laugardagskvöldi. Útdráttarverðlaun í kvöldverðinum (ath. liðsmenn þurfa að vera viðstaddir til að fá útdráttarverðlaunin). Verðlaun fyrir 1.-5. sæti auk nándarverðlauna á par 3 holum.

VERÐLAUN:

sæti - 2x 60 þús. kr. gjafabréf (Golfskálinn)
sæti - 2x 50 þús. kr. gjafabréf (Golfskálinn)
sæti - 2x 40 þús. kr. gjafabréf (Golfskálinn)
sæti - 2x 30 þús. kr. gjafabréf (Golfskálinn)
sæti - 2x 20 þús. kr. gjafabréf (Golfskálinn)

Glæsileg nándarverðlaun báða keppnisdaga á par 3 holum.

Föstudagur - 2x 25 þús.kr. gjafabréf (Golfskálinn)

Laugardagur - 2x 25 þús.kr. gjafabréf (Golfskálinn)

Aðeins þeir sem eru með forgjöf samkvæmt forgjafarkerfi GSÍ geta unnið til verðlauna um 1.-5. sæti. Allir geta unnið til nándarverðlauna.

Keppnisskilmálar:

Hámarksforgjöf er 24 hjá körlum og 28 hjá konum. Leiknar verða 36 holur á tveimur dögum. Keppnisfyrirkomulag: Betri bolti og Greensome.

Karlar spila af gulum teigum og konur af rauðum. Ef keppandi vill spila af öðrum teig þarf að senda skilaboð á mótsstjórn í síðasta lagi daginn fyrir mót.

*Að öðru leyti gilda “Móta og keppendareglur GSÍ” frá 11 apríl 2022.

Fyrri daginn er leikinn fjórleikur (Betri bolti), punktakeppni með forgjöf. Rúllandi ræsing frá kl 15:00.

Tveir samherjar (lið) keppa saman og hvor leikmaður leikur sínum bolta. Skrá skal heildarskor hvors leikmanns á skorkort. Skor liðsins á hverri holu er lægra skor samherjanna á holunni.

Seinni daginn er leikinn fjórmenningur (Greensome), punktakeppni með forgjöf:

Samherjar slá báðir upphafshögg og velja hvaða bolti er betri og slá síðan til skiptis þar til í holu er komið. Annað högg slær sá sem ekki á upphafshöggið sem var valið.

Í fjórmenningi er leikforgjöf liðs 60% af lægri leikforgjöf + 40% af hærri leikforgjöf.

Mæting í skála kl. 9:30, hálftíma fyrir rástíma. Allir keppendur verða ræstir út á sama tíma kl. 10:00. Raðað verður í ráshópa eftir skori fyrri dags.

Verðlaunaafhending fer fram í kvöldverðinum að Sauðá á laugardegi.

Sjá nánar: Opna FISK mótið

Mótsstjórn: Hanna Dóra Björnsdóttir, Halldóra Andrésdóttir Cuyler, Hildur Heba Einarsdóttir, Kristinn Brynjólfsson og Arnar Skúli Atlason.

Dómarar: Rafn Ingi Rafnsson gsm: 862 6244, Árný Lilja Árnadóttir gsm: 849 9420 og Halldóra Andrésdóttir Cuyler gsm: 8495689.