Réttarmótið 2025 – Uppskeruhátíð GF - Opið mót

Dagskrá og fyrirkomulag

Keppendur mæta kl. 11.00 og snæða kjötsúpu í tilefni dagsins.

Mótið verður síðan sett formlega kl. 11.45 og ræst verður út af öllum teigum kl. 12.00.

Keppendur sem vilja bjóða með sér gestum í lokahófið þurfa að hafa samband í gegnum tölvupóst á netfangið postur@gfgolf.is þar sem fram koma nöfn gesta og símanúmer tengiliðs. Vinsamlegast merkið póstinn „Lokahóf 2025“.

Réttarmótið er punktakeppni (24/28) þar sem veitt verða verðlaun fyrir 3 efstu sætin í karla- og kvennaflokki, næst holu á par 3 brautum vallarins (boltinn skal vera á flötinni) og fyrir lengsta teighögg í karla- og kvennaflokki (boltinn skal vera á snöggslegnu svæði brautarinnar). Einnig verða veitt verðlaun fyrir 0 pútt.

Fyrir besta skor (högg) án forgjafar verða veitt sérstök verðlaun, þ.e. farandgripirnir Forystusauðurinn fyrir karlaflokk og Forystuærin fyrir kvennaflokk.

Þeir tveir kylfingar sem ná besta skori án forgjafar í hvorum flokki fyrir sig (Forystuærin og Forystusauðurinn), geta ekki unnið til verðlauna í punktakeppninni, séu þeir í einu af þremur efstu sætunum.

Kl. 17.30 hefst síðan lokahófið með fordrykk og tónlist, veitingum og verðlaunaafhendingu. Lifandi tónlist verður í hófinu, fram á kvöld.

Veislustjóri er Gísli Einarsson, sjónvarpsmaður

Verð per mann er 12.900 kr. (sama verð og 2024).

Athugið að þátttaka í mótinu er jafnframt þátttaka í lokahófinu.

Þeir sem ekki taka þátt í mótinu en vilja vera í lokahófinu/málsverðinum, greiða 12.900 kr./mann í afgreiðslunni hjá Kaffi-Sel. Forsenda fyrir þátttöku í málsverðinum er að gestir hafi skráð sig á borð.

Boðið verður upp á glæsilegt veisluhlaðborð:

Hæg eldaður eðal nauta rib-eye, marineruð kjúklingabringa, bakaðar kartöflur, ferskt salat með ítalskri dressingu, hvítlauks marineraðir ferskir flúðasveppir, sykurristaður laukur og rauðvíns smjör sósa.

Kaffi og sætt á eftir.

Mætum öll með gleði í hjarta.

Styrktaraðilar Réttarmótsins í ár eru:

Kjöthúsið - Innnes - Ölgerðin - Nói Síríus - The Hill Hotel á Flúðum - Secret Lagoon - Sölufélag Garðyrkjumanna