Vinamót GKG og GM 2025

6. ágúst hjá GKG á Leirdalsvelli

Nú er komið að seinna vinamóti árisins þar sem við reynum að byggja upp vinatengsl eldri kylfinga klúbbanna. Með því viljum við efla og styrkja félagstengsl eldri kylfinga og stuðla að bættri lýðheilsu „betri borgara“.

Markmið okkar er að ALLIR GM/GKG 65+ geti tekið þátt, bæði þeir sem vilja keppa og taka golfið „alvarlega“ og hinir sem vilja spila með, æfa færni sína og vera „félagslegir“. Hámarksfjöldi þátttakenda er 92

Fyrri umferð vinamótsins fór fram á Hlíðavelli, heimavelli GM miðvikudaginn 4. júní og lauk þeirri viðureign með sigri GM sem fékk 419 punkta á móti 401 hjá GKG.

Ræst verður út af öllum teigum stundvíslega klukkan 08:30. Mæting kl. 07:45.

Skráning í vinamótið/-spil á Leirdalsvelli miðvikudaginn 6. ágúst er til kl. 22:00 mánudaginn 4. ágúst í mótaskrá Golfbox. GKG sér svo um aö raða í ráshópa og birta teiga.

Þátttökugjald:

6.000 kr. fyrir GM-inga og kr. 4.000 fyrir GKG-inga (þar af kr. 2.000 fara til styrktar barna- og unglingastarfs klúbbsins). Innifalið: vallargjald, þátttökugjald, súpa og brauð.

Þátttökugjaldið greiðist við skráningu í Golfbox.

Reglur 65+ vinamóts GKG og GM

Spilaðar verða 18 holur.

Mótið er liða- og einstaklings punktakeppni með forgjöf, hæst leikforgjöf 36.

Einstaklingsverðlaun verða veitt fyrir 1. sæti í flokki karla og kvenna.

1. sæti í punktakeppni karla og kvenna -

1. sæti í höggleik karla og kvenna -

Nándarverðlaun á 17. holu -

Liðakeppnina vinnur það lið sem hefur flesta samanlagða punkta reiknað út frá 25 bestu skorum hvors liðs eftir tvær umferðir (heima- og útileikur).

Sigurliðið fær farandbikar, gefinn af GKG, sem varðveitist til næsta árs/eða þar til næsta vinamót liðanna fer fram.

Vinningslið hverju sinni sér um að grafa ártal og skammstöfun klúbbs síns á bikarinn.

Kær kveðja,

65+ nefndir GKG og GM

Ef eitthvað er óljóst gefur Kristján Snædal S: 820 1303 nánari upplýsingar