Vinkvennamót GO og GK 2020

Þetta árið verður fyrirkomulag vinkvennamótsins „eins og í gamla daga“ þannig að við spilum sitt hvora vikuna í hinu frábæra vinkvennamóti GO og GK. Vinkvennamót er keppni milli klúbbanna þar sem 10 efstu konur í hvorum klúbbi telja í heildarstigakeppninni. Með vinkvennamótum eflum við tengsl milli klúbbanna, kynnumst nýjum konum og eignumst mögulega nýjar golfvinkonur

· Fyrri dagurinn verður á Urriðavelli hjá GO þann 16. júlí

· Seinni dagurinn verður á Hvaleyrarvelli hjá GK þann 24. júlí.

Upplýsingar

Tveggja daga vinkvennakeppni milli golfklúbba GO og GK.

Skráning er á hvorn mótsdag fyrir sig og ekki þarf að spila báða dagana.

Í upphafi móts 16. júlí greiða þátttakendur 2.500 kr. á Urriðarvelli og 24. júlí 2.500 kr. á Hvaleyrarvelli, þannig alls 5.000 kr. samanlagt fyrir báða mótsdaga.

Miðað er við að tvær konur úr hvorum klúbbi séu saman í rástíma og biðjum við konur að virða þá reglu svo ekki þurfi að færa konur á milli ráshópa. Nefndin áskilur sér rétt til að færa konur milli ráshópa til að jafna milli klúbbanna ef þörf þykir.

Rástímar eru frá kl. 10-15

Skráning

Skráning í mótið er á golfbox (golf.is mótaskrá)

GO Urriðavöllur spiladagur 16. júlí

· Opið verður fyrir skráningu GK kvenna 13. júlí.

· Opið verður fyrir skráningu GO kvenna 14. júlí.

· Þann 15. júlí verður „fyrstur kemur fyrstur fær“ í það sem laust er

GK Hvaleyrarvöllur spiladagur 24. júlí

· Opið verður fyrir skráningu GO kvenna 21. júlí.

· Opið verður fyrir skráningu GK kvenna 22. júlí.

· Þann 23. júlí verður „fyrstur kemur fyrstur fær“ í það sem laust er

Verðlaun

Keppt er milli klúbba og vinnur sá klúbbur sem fær flesta samanlagða punkta þessa tvo daga. Miðað er við 10 punktahæstu konur hvorn dag úr hvorum klúbbi.

Einstaklingsverðlaun verða veitt fyrir:

· Þrjú efstu sætin fyrir samanlagða flesta punkta fyrir báða dagana.

· Lægsta samanlagða skor báða dagana.

Ekki er hægt að fá verðlaun bæði fyrir flesta punkta og lægsta skor.

Lengsta teighögg á einni braut á hvorum velli, bolti þarf að enda á á braut (snöggslegnu svæði).

Nándarverðlaun eru á par 3 holum vallanna.

· Á Urriðavelli eru það 4. braut, 8. braut, 13. braut og 15. braut.

· Á Hvaleyrinni eru það 4. braut, 6. braut, 10. braut og 15. braut.

ATH boltinn þarf að enda inn á flöt svo hann fái mælingu.

Hámarks leikforgjöf er 36, grunnforgjöf leikmanns má vera hærri.

Í mótslok seinni daginn, 24. júlí, verður lokahóf í golfskála GK á Hvaleyrarvelli og hvetjum við konur að koma þar saman kl. 20.00 og eiga saman notalega stund. Brynja mun töfra fram glæsilega grillmáltíð með kjúkling og lambakjöti. Verð fyrir matinn er 3.500 kr.

Konur eru beðnar að skrá sig í mat í afgreiðslu á Hvaleyrarvelli um leið og mótsgjald er greitt þann 24. júlí.

Áætlað er að verðlaunaafhending verði um kl. 20.30 og einnig verður dregið úr skorkortum þeirra sem verða á staðnum.

Kvennanefndir GO og GK.

Vinkvennamót GK og GO