VITA-Mánudagsmótaröð GKG er punktamót fyrir félagsmenn GKG (innanfélagsmót) þar sem leiknir eru 3 til 9 18 holu hringir á Leirdalsvelli. Keppt verður í karlaflokki og kvennaflokki um titlana Mánudagsmótameistari karla og Mánudagsmeistari kvenna hjá GKG. Hver leikmaður getur leikið allt að 9 hringi en aðeins 3 bestu hringirnir telja.

ATH. skráning fer þannig fram að viðkomandi skráir sig á golfbox.is í mótið og greiðir fyrir hringinn með korti. Samhliða þarf að skrá sig á rástíma á mánudeginum. Það er gert með því að:

A) Ef ekki er búið að opna fyrir rástímaskráningu fyrir félagsmenn er sendur tölvupóstur á proshop@gkg.is með beiðni um rástíma.

B) Ef búið er að opna fyrir rástímaskráningu skráir félagsmaður sig sjálfur.

Fyrir mót fá keppendur tölvupóst með hlekk á skorkortaskráningu. Að leik loknum fara keppendur yfir skor hvors annars. Ekki er hægt að taka þátt í mótinu öðru vísi en spila með öðrum aðila í holli sem fer yfir skorið að leik loknum. Ekki er gerð krafa um að skila skorkorti á pappír, það nægir að skila inn skorkortinu með rafrænum hætti.

Verðlaun í karla og kvennaflokki.

1. Verðlaun - Gjafakort í vorferð GKG með VITA auk glaðnings frá Ölgerðinni. Eignabikar og merking á farandbikar

2. Verðlaun -10 þúsund króna inneign í matarkjallaranum, 10 þúsund króna inneign hjá Olís auk glaðnings frá Ölgerðinni

3. Verðlaun - 10 þúsund króna inneign hjá Olís auk glaðings frá Ölgerðinni

Mótstjóri er Eggert Ólafsson

Reglur fyrir VITA – Mánudagsmótaröð GKG 2020

1. gr
Um mótið
VITA-Mánudagsmótaröð GKG er punktamót fyrir félagsmenn GKG (innanfélagsmót) þar sem leiknir eru 3 til 9 18 holu hringir á Leirdalsvelli. Keppt verður í karlaflokki og kvennaflokki um titlana Mánudagsmótameistari karla og Mánudagsmótameistari kvenna hjá GKG.

2. gr
Keppnisréttur og hámarksforgjöf
Aðeins félagar í GKG hafa keppnisrétt í punktamótinu. Hámarks leikforgjöf er 36 hjá körlum og konum.

3. gr
Fjöldi hringja
Hver leikmaður getur leikið allt að 9 hringi en aðeins 3 bestu hringirnir telja.

4. gr
Skráning og vikudagar

Skráning fer þannig fram að viðkomandi skráir sig á golfbox.golf í mótið og greiðir fyrir hringinn með korti. Samhliða þarf að skrá sig á rástíma á mánudeginum. Það er gert með því að:

A) Ef ekki er búið að opna fyrir rástímaskráningu fyrir félagsmenn er sendur tölvupóstur á proshop@gkg.is með beiðni um rástíma.

B) Ef búið er að opna fyrir rástímaskráningu skráir félagsmaður sig sjálfur.

Möguleikar verða á rástímum hvenær sem er dagsins.

5. gr
Teigar og forgjöf
Leikmaður ræður af hvaða teig hann leikur og tekur leikforgjöf (vallarforgjöf) hans mið af því. Notuð verður grunnforgjöf eins og hún er á golfbox.golf þegar leikur fer fram, við útreikning leikforgjafar, þó með hámarksleikforgjöf skv. 2.gr.. Skylt er að leika af þeim teigum sem leikmaður er skráður á hverju sinni. Þeir sem leika af röngum teigum eða skila skorkorti með rangri forgjöf fá frávísun á þann hring.

6. gr
Skorkort
Fyrir mót fá keppendur tölvupóst með hlekk á skorkortaskráningu. Að leik loknum fara keppendur yfir skor hvors annars. Ekki er gerð krafa um að skila skorkorti á pappír, það nægir að skila inn skorkortinu með rafrænum hætti. Keppandi skal leika hvern hring með að minnsta kosti einum öðrum leikmanni til þess að hringurinn teljist gildur. Sá leikmaður þarf þó ekki að vera keppandi.

7. gr
Úrslit
Ef efstu leikmenn verða jafnir að punktum í lok mótsins skal varpa hlutkesti.

8. gr
Sigurvegarar og verðlaun
Sigurvegarar VITA – Mánudagsmótaraðar GKG ár hvert hljóta titlana Mánudagsmótameistari kvenna og Mánudagsmótameistari karla og fylgja titlunum farandgripir. Einnig hljóta punktameistarar verðlaunagripi til eignar. Verðlaun verða veitt fyrir fyrstu þrjú sætin í hvorum flokki, karla og kvenna. Jafnframt verða sérstök verðlaun veitt fyrir 10. hvert sæti í hvorum flokki, þ.e. fyrir 10., 20., 30. sæti og svo framvegis.
Verðlaunaafhending fer fram í lokahófi innanfélagsmóta GKG í 16. september.

VITA - Mánudagsmótaröð GKG